حكاية
بقلم الدكتور محمد عويان المحامي بالنقض
تاريخنا حكاية, أول سطر فيه بداية, وتاني سطر صلاه وعلام, ومع كل سطر وسطر يترسم الكلام، ويبقى حكاية ويشكل الوجدان ويبقى كيان هو ده الإنسان، أسرة ومنزل وولاد صبيان وبنات، بقوا عيلة وبيهم بدأ الكلام وبقى ليهم سطر بداية, وترسم الكلام وبقى كيان، ومع كل حكاية وحكاية يبقلها كلام, وهي دي الحكاية اللي عايشنها وبنعيشها ومازال الكلام ” ذرية بعضها من بعض” في النية والعمل والإخلاص” نرسم لغد ونخطط للأمام، وننشئ مدارس للعلام، ومصانع ومزارع وسكك للقطورات، والسيارات، والمونوريل، وقطار سريع، ويانا ومعانا في كل مكان تحلى الحكاية – ب 27مرسومة ومحافظة معلومة يتشكل الكلام ويبقى كيان قول ورايا” القاهرة – الجيزة- المنيا- السويس- الأقصر- الإسكندرية- بورسعيد- دمياط- أسوان- القليوبية- بني سويف- الإسماعيلية- سوهاج- أسيوط- البحر الأحمر- البحيرة- الدقهلية- الغربية- الفيوم- قنا- كفر الشيخ- مطروح- المنوفية- الوادي الجديد- الشرقية- شمال سيناء- جنوب سيناء” – نبني ونعمر ولسه كثير جوانا، ونمنح سلام وأمان والكل راح يجي يستوطن فيها لجلل الحنان، وجبر الخاطر منها مالو حدود، بتغضب بس ميهونش عليها دم يموت، هي دي أمنا “مصر” عهد وميثاق وشرف ووتد في الأرض مالو حدود، سبعة آلاف سنة حضارة اتبنت بيد جدود، تاريخهم واضح ومعالمه كثير من الأرض للسما مالو حدود، ابوالهول والاهرامات خوفو وخفرع ومنقرع وسنفرو وزوسر, ومعابد كمان ابوسمبل والكرنك وحتشبسوت وابن عزرا، رموز للحضارة على أرضها موجود. ومتنساش متاحف مالها حدود – متحف مصري، وقومي للحضارة المصرية، وللفن الاسلامي، والقبطي، وام كلثوم. ومساجد وكنايس منارة للوحدة الوطنية والصليب مع الهلال موجود, مسجد الأزهر، واحمد بن طولون، وعمرو بن العاص والسلطان حسن، والحاكم بأمر الله، والرفاعي وجامع محمد علي, والكنيسة المعلقة، والقديسين. ورموز حضارية معبرة عن الوجود , وادي الملوك ودار الأوبرا المصرية، وبرج القاهرة، وقصر البارون وقصر عابدين، وباب زويلة، والأقصر ودير سانت كاترين وحصن بابليون وسيوة ومحمية رأس محمد، ومجموعة قلاون ، والهرم الاحمر والقرية الفرعونية، وقلاع للحصان قلعة صلاح الدين الأيوبي وكثير منها موجود…ولجلل مصر راح تدون وينفذ حبر الأقلام والكون, دي حكاية سطرها تاريخ وبكل سطر وسطر اترسم كيان ماله حدود.
بقلم الدكتور محمد عويان المحامي بالنقض.
حكاية
